حمد باری تعالی۔۔۔

 حمد باری تعالی۔۔۔ 

 حمد باری تعالی۔۔۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرے دل کا ستار تو ہی ہے

روح کی بھی پکار تو ہی ہے

دہر کا کردگار تو ہی ہے 

"افضل وذی وقار تو ہی ہے"

زیب دیتی ہے تجھ کو سلطانی

صاحب اقتدار تو ہی ہے

 ساری دنیا ہے کس کی گردش میں  

اس کی وجہ مدار تو ہی ہے

باقی جتنے ہیں سارے جھوٹے ہیں 

صرف پرودگار تو ہی ہے 

میں نے دیکھا ہے سب نظاروں کو 

ہر جگہ آشکار تو ہی ہے 

ہر جگہ دیکھا جلوۂ وحدت

توہی اک بے شمار تو ہی ہے

جسم خاکی کو کردیا شہکار 

ایسا تخلیق کار تو ہی ہے

ڈھالتا ہوں میں تجھ کو نغموں میں 

میرے دل کا ستار تو ہی ہے

تُو ہی بنیاد ہے بھروسے کی

لائق اعتبار تو ہی ہے

تو جو چاہے وہی تو ہوتا ہے

صاحب اختیار تو ہی ہے

اسکی جلوت میں اور خلوت میں 

کہ رہا ہے نثار تو ہی ہے 

نثاردیناج پوری