سکم کو ریلوے کے ذریعہ جوڑنے کی تیاریاں جاری،2023تک کام مکمل ہوجائے گا۔محکمہ ریلوے
 |
سکم کو ریلوے کے ذریعہ جوڑنے کی تیاریاں جاری،2023تک کام مکمل ہوجائے گا۔محکمہ ریلوے |
نیوزٹوڈے اردو:سکم کے لوگوں کو ریلوے سے سفر کرنے کے لئے سلی گوڑی آنا پڑتا ہے لیکن جلد ہی سکم کے شہرکے گینگ ٹاک سے جلدہی ملک کے مختلف حصوں کے ریلوے اسٹیشنوں سے براہ راست جڑ جائے گا۔ اس سمت میں ہندستانی ریلوے کی تیاری جاری ہے۔ سکم کے قریب نتھولا روڈ کو ریلوے سے جوڑنے کا کام کیا جا رہا ہے۔ سروے کا کام 2023 تک مکمل ہو جائے گا۔سیوک سے رنگپو تک 45 کیلومیٹر ریلوے پروجیکٹ کا کام پہلے ہی جاری ہے۔ یہ 2023 تک مکمل ہو جائے گا۔ اس پروجیکٹ کا سنگ بنیاد اس وقت کی ریلوے کی وزیر ممتا بنرجی نے 30 اکتوبر 2009 کو رکھا تھا۔ سیوک رنگپو ریلوے پروجیکٹ کا کام 2016 میں شروع ہوا تھا۔ 45 کیلومیٹر کا راستہ مغربی بنگال کے 41 کیلومیٹر اور سکم کے 4 کیلومیٹر کے علاقے پر محیط ہے۔ کام میں تاخیر کی وجہ بڑی بڑی سرنگیں ہیں۔ ملی جانکاری کے مطابق سیوک سے رنگپو تک 1 درجن سے زائد سرنگیں ہیں۔ کاموں کا معائنہ کرنے کے لئے ریاستی وزیر ریلوے راو¿ صاحب پاٹل سلی گوڑی کے قریب سیوک میں آئے تھے۔ ریلوے کے وزیر مملکت نے پروجیکٹ کے کام سے مطمئن ہوتے ہوئے پروجیکٹ کے بنیادی مقصد پر روشنی ڈالتے ہوئے کہا کہ مستقبل میں گینگ ٹاک تا نتھولا روٹ پر ریل سروس شروع کی جائے گی تاکہ سکم کے شہریوں کو فائدہ ہو سکے۔ اس کے علاوہ نتھولا کے علاقے میں ہندستانی فوجیوں اور فوجی سامان کی تعیناتی میں آسانی ہوگی۔اس وقت رسد اور رسد کا ذریعہ سکم کی قومی شاہراہ 10 ہے جو کہ بارش کے موسم میں قدرتی موسم کی وجہ سے تباہ ہو جاتی ہے جس سے فوجیوں کو بڑی مشکلات کا سامنا کرنا پڑتا ہے،لیکن جب ریل سروس شروع ہوگی تو فوج کے ساتھ ساتھ سکم کے شہریوں کو بھی فائدہ ہوگا۔ سکم کے لوگ طویل عرصے سے ریلوے پروجیکٹ کے بارے میں پر امید ہیں۔ وزیر مملکت برائے ریلوے کے بیان سے سکم کے شہریوں میں خوشی کی لہر دوڑ گئی ہے۔ فی الحال سلی گوڑی اور سکم کے درمیان سامان لے جانے کے لئے ٹرک یا چھوٹی گاڑیاں استعمال کی جاتی ہیں، لیکن جب ٹرین سروس شروع ہو جائے گی، تب سلی گوڑی اور سکم کے درمیان مال برداری کا کام بھی آسان ہو جائے گا۔ ایک بار ٹرین سروس شروع ہونے کے بعد اسے گینگ ٹاک سے نتھولا روٹ تک بڑھانا آسان ہوگا۔ یہ مرکزی حکومت کے عظیم اسکیموںمیں سے ایک ہے۔ اگرچہ فطری وجوہات کی بنا پر اس کام میں کچھ مشکل ضرور ہے لیکن ناممکن کچھ بھی نہیں۔
کوئی تبصرے نہیں:
ایک تبصرہ شائع کریں