نوزائیدہ بچوں کے لئے بھی آدھار کارڈبنانے کی تیاری
 |
| نوزائیدہ بچوں کے لئے بھی آدھار کارڈبنانے کی تیاری |
نیوزٹوڈے اردو:ہمارے ملک میں 99.7 فیصد بالغ آبادی کو آدھار نمبر جاری کیا گیا ہے۔ تقریباً 131 کروڑ آبادی کا اندراج کیا گیا ہے، لیکن اب تک 5 سال سے کم عمر کے بچوں کا آدھار نمبر نہیں دیا گیا ہے، کیونکہ ہندستان میں 5 سال سے کم عمر کے بچوں کے بائیو میٹرک لینے کا کوئی قانون نہیں ہے۔ یہی وجہ ہے کہ 5 سال سے کم عمر کے بچوں کا آدھار کارڈ نہیں بن سکاہے۔ جبکہ ملک میں ہر سال دو سے ڈھائی کروڑ بچے پیدا ہوتے ہیں، لیکن آنے والے وقت میں اگر ہم یہ کہیں کہ نوزائیدہ بچوں کے پاس بھی آدھار نمبر اور کارڈ ہوگا تو حیرت کی بات نہیں ہوگی۔
جی ہاں یوآئی ڈی اے آئی UIDAI بہت جلد اسپتال میں پیدا ہونے والے نوزائیدہ بچوں کو آدھار کارڈ فراہم کرنے کی تیاری کر رہا ہے۔ذرائع سے ملی اطلاع کے مطابق اسپتالوں میں آدھار انرولمنٹ کی سہولت فراہم کرنے کا منصوبہ بنایا جا رہا ہے، اس سے فائدہ یہ ہوگا کہ جیسے ہی اسپتال میں بچے کی پیدائش ہوگی، ان کا آدھار نمبر دیا جائے گا۔ UIDAI کے چیف ایگزیکٹیو افسرسوربھ گرگ کے مطابق UIDAI برتھ رجسٹرار کے ساتھ معاہدہ کرنے کی کوشش کر رہا ہے۔ اس کا نتیجہ جلد سامنے آئے گا۔ UIDAI کے مطابق نوزائیدہ بچوں کے اندراج کا عمل شروع کیا جا رہا ہے۔سوربھ گرگ کے مطابق یہ کام مشکل نہیں ہے، انہوں نے بتایا کہ یہ کام کس طرح آسان ہو گا۔ ان کے مطابق بچے کی پیدائش کے وقت تصویر پر کلک کرنے سے اس کی بنیاد پر آدھار کارڈ دستیاب ہو جائے گا۔ بچے کو والدین میں سے کسی کے ساتھ یا والدین کے ساتھ جوڑ دیا جائے گا اور جب بچہ 5 سال کا ہو جائے گا تو اس کا بائیو میٹرکس لیا جائے گا اور آدھار کارڈ پیش کیا جائے گا۔اگر یونیک آئیڈنٹیفکیشن اتھارٹی آف انڈیا (UIDAI) کی یہ اسکیم کامیاب ہوتی ہے تو ملک میں نوزائیدہ بچوں کا ڈیٹا بھی تیار ہو جائے گا۔ یو آئی ڈی اے آئی کا یہ تعاون گولڈن انڈیا اورترقی یافتہ ہندستان کی سمت میں سنگ میل ثابت ہوگا۔
کوئی تبصرے نہیں:
ایک تبصرہ شائع کریں