جلپائی گوڑی انتظامیہ نے کورونا کے حوالے سے بیداری مہم شروع کی
نیوزٹوڈے اردو: جلپائی گوڑی ضلع پولس کی جانب سے آج کورونا کے حوالے سے لوگوں میں بیداری مہم چلائی گئی۔ انتظامیہ کی جانب سے مائیکنگ کرکے لوگوں سے درخواست کی گئی کہ وہ باقاعدگی سے ماسک پہنیں ، ہاتھوں کو باقاعدگی سے صاف کریں اور سماجی دوری پر عمل کریں۔واضح رہے کہ بہت سے لوگ کورونا کی تیسری لہر کے امکان کے درمیان بھی مناسب طریقے سے ماسک نہیں پہنتے ہیں۔ آج جلپائی گوڑی دین بازار سمیت کئی بازاروں میں بغیر ماسک کے خریدار اور بیچنے والے دیکھے گئے۔ کئی لوگ بغیر ماسک کے سڑکوں پر بھی دیکھے گئے۔ آج صبح انتظامیہ کے عہدیداروں نے جلپائی گوڑی قدم تلا سمیت شہر میں مائکنگ کرکے ان لوگوں کو کورونا کے بارے میں آگاہ کیا۔ رات 11 بجے سے صبح 5 بجے تک نائٹ کرفیو کے دوران کسی بھی قسم کے پروگرام پر پابندی ہے۔ اس کے علاوہ پولس کے مطابق ہوٹل اور ریسٹورینٹ میں50 فیصد بکنگ کے ساتھ پروگرام دیگر تقریبات کی اجازت ہے۔ جلپائی گوڑی ضلع پولس سوپردیورشی دتہ اور دیگر پولس افسران باقاعدگی سے شہر میں کورونا کے حوالے سے آگاہی مہم چلا رہے ہیں۔
کوئی تبصرے نہیں:
ایک تبصرہ شائع کریں