دیگر شہروں کے مقابلے شمالی بنگال میں سبزیوں کی قیمت زیادہ،لوگ پریشان
 |
دیگر شہروں کے مقابلے شمالی بنگال میں سبزیوں کی قیمت زیادہ،لوگ پریشان |
نیوزٹوڈے اردو:سردی شروع ہو گئی ہے۔ سردیوں میں سبزیوں کی قیمتیں کم ہونے لگتی ہیں, کیونکہ اس وقت سبزیوں کی پیداوار بڑھنے سے قیمتیں خود بخود کم ہونا شروع ہو جاتی ہیں۔ ان دنوں ملک کے تقریباًسبھی م شہروں میں ہری سبزیوں کی قیمتوں میں نمایاں کمی آئی ہے لیکن سلی گوڑی شہر میں سبزیوں کی قیمت آسمان کو چھو رہی ہے۔ ہندستان کے دیگر شہروں کی بات کریں تو دہلی، ممبئی، احمد آباد، کانپور، پٹنہ، کلکتہ، سلی گوڑی کے مقابلے ہری سبزیاں بہت سستی ہو گئی ہیں۔ ملک کی راجدھانی نئی دہلی کے خوردہ بازار میں گوبھی 10 روپئے کیلو، بیگن 10 سے 20 روپئے کیلو، پھلیاں 30 روپئے کیلو، جب کہ سرسوں کا ساگ 20 روپئے فی کیلو سے زیادہ نہیں ہے۔ سلی گوڑی کے خوردہ بازار میں 10 بنڈل ساگ اب بھی فروخت ہو رہے ہیں، جن کی مقدار 200 گرام بھی نہیں ہوگی۔ ملک کی بڑی منڈیوں میں نئے آلو کی آمد کے باعث پرانے آلو کی قیمت 10 روپئے کیلو سے کم ہو گئی ہے، جب کہ نئے آلو 20 روپئے سے 25 روپئے کیلو کے درمیان فروخت ہو رہے ہیں۔ سلی گوڑی کے خوردہ بازار میں پرانا آلو اب بھی 20 کیلو سے کم نہیں ہے۔دہلی، ممبئی سمیت کئی بڑے شہروں میں خوردہ بازار میں صارفین کو کم قیمت پر سبزیاں مل رہی ہیں لیکن جب ہم سلی گوڑی کے بازار کی بات کرتے ہیں تو یہاں ہر سبزی کی قیمت دوسرے شہروں کے مقابلے تقریباً دوگنی ہے۔ ضروری ہے کہ ملک کے سبھی حصوں میں ٹماٹر کی قیمت بڑھ گئی ہے۔ جو کہ تقریباً 100 کیلو تک پہنچ گئی ہے لیکن اس کے علاوہ وہ تمام سبزیاں جو سلی گوڑی کے خوردہ بازار میں دستیاب ہیں، اس کی قیمت صارفین کو پریشان کرنے والی ہے۔ کیونکہ ابھی بارش کا موسم بھی نہیں ہے۔ کھیتوں سے سبزیاں وافر مقدار میں آرہی ہیں۔ اس کے باوجود یہاں کی قیمت لوگوں کو حیران کر دیتی ہے۔ بعض لوگوں کا خیال ہے کہ انتظامیہ کی عدم توجہی کے باعث تاجر صارفین سے من مانی قیمتیں وصول کر رہے ہیں۔ بازار میں مختلف دکانوں پر ہر سبزی کی قیمت مختلف ہونا بھی محکمہ فوڈ کے انسپکٹر کی غفلت کو ظاہر کرتا ہے۔سلی گوڑی کے خوردہ بازاروں میں ساگ کی قیمت اب بھی 40 روپئے اور 50 روپئے کیلو سے کم نہیں ہے۔ لوگ سوال کر رہے ہیں کہ اب مارکیٹ کھل گئی ہے، کورونا کنٹرول میں ہے، آمدورفت کے مناسب ذرائع ہیں۔ بارش نہیں ہوئی، کسان کافی مقدار میں کاشت کر رہے ہیں۔ پھر کیا وجہ ہے کہ دیگر شہروں کی نسبت ساگ سبزیوں کی قیمتوں میں اتنی کمی نہیں ہے۔ سلی گوڑی انتظامیہ، فوڈ ڈپارٹمنٹ، فوڈ انسپکٹر کو جلد ہی اس سمت میں قدم اٹھانا چاہئے تاکہ یہ پتہ چل سکے کہ کیا خوردہ تاجروں نے منافع کمانے کے لئے کوئی چال تونہیںچلی ہے۔
کوئی تبصرے نہیں:
ایک تبصرہ شائع کریں