🌹بزم تاج الشریعہ میں کہا گیا مکمل کلام🌹
 |
🖊️صلاح الدین نادر پوکھریروی |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصرع طرح
،،یاد آئی خلیل کی ہم کو،،
ان کے در کی گداگری ہم کو
جیسے لگتی ہے خسروی ہم کو
جانے اٹھ جائے کب نگاہ کرم
ہاں لگانے دو ٹکٹکی ہم کو
یوں نہ جا اے صبا مدینے تو
ساتھ لے چل کبھی کبھی ہم کو
ذکر مولی سے جی نہیں بھرتا
اتنی ملتی ہے چاشنی ہم کو
یاد آتا ہے چاند طیبہ کا
جب ستاتی ہے تیرگی ہم کو
دیدے ان پہ نثار کا جذبہ
جب خدا تونے جان دی ہم کو
ان کی چوکھٹ پہ جاکے مرجاتے
ہوتی جائز جو خود کشی ہم کو
آزمائش کی جب گھڑی آئی
،،یاد آئی خلیل کی ہم کو،،
پھر تو بن جاتی گر رضا نادر
خود سے کہتے بریلوی ہم کو
🖊️صلاح الدین نادر پوکھریروی
حال مقیم دودھڑا سیوان بہار
9199315912
ماشاء اللہ بہت خوب
جواب دیںحذف کریں