 |
| اشعار تعزیت در فراق مفتئ ملت، حضرت مفتی آل مصطفیٰ مصباحی صاحب رحمۃ اللّٰہ تعالیٰ علیہ |
اشعار تعزیت در فراق مفتئ ملت، حضرت مفتی آل مصطفیٰ مصباحی صاحب رحمۃ اللّٰہ تعالیٰ علیہ۔
برگ گل پر لکھ رہاہوں درد دل کی داستاں
بلبل شیدا کا دل بھی پڑھ کے ہوگا خونچکاں
اے حریم فقہ کے محرم ، محافظ ، نکتہ داں
اے فصیل علم پر فائز ، امین و پاسباں
اے شمیم جان عاشق ، اے اصیل گلفشاں
اے زعیم اہل سنت ، بحر علم بیکراں
ہے سوال اہل الفت آپ کی سرکار سے
اے مطاف اہل حاجت ، آپ کے دربار سے
کیوں گئے اے میر محفل بزم جاناں چھوڑ کر
لہلہاتا گلشن ہستی سے رشتہ توڑ کر
یہ بھی پڑھیں:
گونجتا تھا قصر ملت علم کی جھنکار سے
اہل باطل کانپتے تھے آپ کی للکار سے
نیر برج فقاہت تم تھے آل مصطفی
وارث علم شریعت تم تھے آل مصطفی
آپ کی تحقیق سے ، تدریس سے ، تحریر سے
روئے گلشن تھا دمکتا ، آپ کی تنویر سے
اے سراپا علم ، فن ، آخر کہاں تم چل دیئے
چھوڑ کر احباب کو تم ، کس چمن میں کھل گئے
چشم تر سے تک رہی ہے پوری ملت تیری راہ
اے مکین باغ جنت ، غمزدوں کے عالی جاہ
آج بھی میخوار ہے ان کی شراب علم کا
گو کہ ساقی نہ رہا ، پھر بھی وا ہے میکدا
ڈوب کر بھی خاور علم و ادب ہے پر عیاں
مطلع فضل و کرم پر ضو فشاں ہیں سرخیاں
قصۂ غم چھوڑ اب اے حامد نالاں کناں
فضل رب پر کر بھروسہ چھوڑ دے آہ و فغاں
نتیجہ فکر
محمد اشفاق احمد رضوی حامد مصباحی صدر شعبۂ حنفی جامعہ سعدیہ عربیہ کیرالا
کوئی تبصرے نہیں:
ایک تبصرہ شائع کریں