 |
| اتر دیناج پور مشاعرہ و تعلیمی بیداری کانفرنس کا انعقاد |
اتر دیناج پور مشاعرہ و تعلیمی بیداری کانفرنس کا انعقاد
اردو زبان کو بچانے کے لئے اپنے بچوں کو اردو زبان پڑھانا ضروری ہے۔ مقررین
نیوزٹوڈے اردو:ادبی تنظیم” بزم شعرائے سیمانچل“ کے زیراہتمام تیسرا سالانہ تعلیمی، ثقافتی و قومی یکجہتی کل اتردیناج پور مشاعرہ و تعلیمی بیداری کانفرنس مغربی بنگال کے ضلع اتردیناج پور، بلاک اسلام پور، گرام پنچایت پنڈت پوتا 2 کے گلاب پاڑہ بازار عمل جھاڑی میں منعقد ہوا، اسی موقع سے مختصر پیمانے پر وجدان کتاب میلہ بھی لگایا گیا۔
 |
| اتر دیناج پور مشاعرہ و تعلیمی بیداری کانفرنس کا انعقاد |
یہ بھی پڑھیں: مسلسل برفباری سے دارجلنگ اور سکم میں سفیدچادروں کی تہیں
اس تعلیمی و ثقافتی مشاعرہ و کانفرنس میں شریک مہمان مقررین حضرات نے فروغ اردو اور تعلیم پر کافی بہترین انداز میں قوم کو پیغام دیا۔ تعلیمی بیداری کی ضرورت اور اردو کی اہمیت پر روشنی ڈالی گئی۔ مقررین میں ڈاکٹر عزیر احمد ، اسلام پور کالج، ڈاکٹر شہنواز عالم اسلام پور کالج، چودھری قیصر امام ایڈوکیٹ، مولانا گلزار ثقافی ڈائریکٹر البدر ٹراویلس، ماسٹر طیب فرقانی ، محمد طارق عزیز ، جاوید احمد ضلع پریشد، مفتی کمال الدین مصباحی، ارشاد خان آزاد کمیٹی لودھن ،پروفیسر قیصر عالم ، ناظم شریف ایڈوکیٹ کا نام شامل ہے۔نظامت کی ذمہ داری محمد افتخار سدانے بڑے حسن و خوبی کے ساتھ نبھائی۔
 |
| اتر دیناج پور مشاعرہ و تعلیمی بیداری کانفرنس کا انعقاد |
دوسری نشست: کل اتردیناج پور مشاعرہ:” کل اتر دیناج پور مشاعرہ“ میں جن شعرائے کرام نے اپنی اپنی غزلوں کے سہارے قوم کو نیا پیغام دیا، ان میں نثار دیناجپوری ، شہباز مظلوم پردیشی ، ڈاکٹر مبارک علمی پریس رپورٹر، محسن دیناجپوری ، مجاہد الاسلام مجاہد ، چودھری قیصر امام ایڈوکیٹ، جہانگیر داور کے نام شامل ہیں۔ مشاعرے کی صدارت چودھری قیصرامام نے کی اور نظامت کی ذمہ داری عبدالواحد مخلص نے نبھائی۔اس کے علاوہ وجدان نیشنل اسکول کے بچوں کو انعامات دئے گئے ۔ کئیی کتابوں کی رسم اجرا و رسم رو نمائی بھی انجام پائی ”سیمانچل نمبر“ (محسن دیناجپوری) کی رسم اجرا، مٹھی بھر زمین (قیصر امام ) کی رسم اجرا، خصائص فتاویٰ رضویہ (مفتی کمال الدین اشرفی) کی رسم رونمائی، کتاب پیام حضور رفیق ملت (محسن دیناج پوری)، سالنامہ پیام روحانی کی رسم رونمائی، رسم اجرا بنگال اور اسلام اور آخر میں وجدان نیشنل اسکول کے وجدان کلینڈر کی بھی رسم اجرا ادا کی گئی۔
 |
| اتر دیناج پور مشاعرہ و تعلیمی بیداری کانفرنس کا انعقاد |
اس علمی و کتابی پروگرام کی خاص بات یہ رہی کہ سامعین میں اہل علم و دانش کی تعداد اچھی خاصی موجود تھی۔ اسلام پور ہائی اسکول کے ٹیچر عبدالواحد مخلص نے کہاکہ محسن دیناج پوری کی کوششوں کو سراہتے ہیں اور پروگرام کے کنوینر کی حیثیت سے بھی ہم سب ان کے جذبوں کو سلام کرتے ہیں۔ ساتھ ہی ساتھ وجدان نیشنل اسکول کے اساتذہ ماسٹر عبدالصمد بابو، ماسٹر اشتیاق عالم، ماسٹر غلام سرور، ماسٹر نوشاد عالم، ماسٹر معراج عالم نے بھی اس پروگرام کامیابی میں اہم رول نبھایا اور مہمانوں کی ضیافت میں لگے رہے۔ ٹھیک 4.30 منٹ پر کنوینر مشاعرہ محسن دیناج پوری نے تمام احباب کے شکریہ کے ساتھ اختتام کا اعلان کیا اور 2022 کے 26 دسمبر کو چوتھا سالانہ مشاعرہ کے انعقاد کا بھی اعلان کردیا گیا۔
کوئی تبصرے نہیں:
ایک تبصرہ شائع کریں